02.09.2019

Нов месец, нова седмица и почеток на новата учебна година...се укажува на нешто ново, нешто од почеток. За среќа Меркур планетата на комуникациите, интелектот, сообраќајот...е во својот дом, во созвездието на Девица и од таму подржувајќи не, нема да дозволи да трошиме енергија на непотребни нешта. Овој пат се на сцена "тврдите факти" и тие се во нашиот фокус. Меркур ќе ни ги покаже најситните детали и ќе ни помогне да најдеме решенија за личните предизвици. Денес, Меркур прави и тригон со планетата Уран. Овој одличен аспект, дополнително ја зголемува нашата способност да донесуваме решенија. Полесно ќе се конектираме и ќе се зајакне интуицијата, Уран ја зголемува нашата свесност за нематеријалната страна од постоењето и ова во комбинација со фокусот на реалните факти ветува донесување на исправни решенија. Кога донесуваме одлуки и решенија во животот, секогаш треба да развиеме перцепција и за невидливата страна на нештата, потсвесните навики или потреби и каков ефект тие имаат на нашиот живот. Луѓето се научени своето внимание да го насочуваат кон видливите и материјалните нешта, не обрнувајќи многу внимание на другиот метафизичкиот дел. Тоа е нашата свест! А, вистинските промени и креации доаѓаат токму од таму.